მილდიანი - #1 ოქროს ბრენდი

საოჯახო მეღვინეობა მილდიანი 2022 წლის #1 ოქროს ბრენდი გახდა!

24 ივნისს hotels and Preference Hualing Tbilisi - ში გაიმართა რიგით მეთექვსმეტე ბიზნეს დაჯილდოება, სადაც 2022 წელს ჩატარებული კვლევების შედეგად დაჯილდოვდნენ სხვადასხვა ბიზნეს კომპანიები.

კვლევაში მონაწილეობა მიიღო 100-ზე მეტმა ექსპერტმა და გამოიკითხა 2000-ზე მეტი კერძო პირი. აღსანიშნავია, რომ კვლევის ჯგუფი დაკომპლექტებული იყო სხვადასხვა უმაღლესი სასწავლებლების პროფესორ-მასწავლებლებით, დარგის სპეციალისტებით, ბიზნეს ექსპერტებით, საკონსულტაციო სააგენტოებით და ა.შ.

ეს არის კიდევ ერთი დიდი გამარჯვება, რომელსაც ჩვენმა გუნდმა საქმისადმი სიყვარულითა და დაუღალავი შრომის შედეგად მიაღწია. ბუნებრივია ეს გამარჯვება და აღიარება ჩვენთვის ნიშნავს პასუხისმგებლობას, რომ კიდევ უფრო დიდი ენთუზიაზმით და მეტი შემართებით გავაგრძელოთ სიახლეების დანერგვა და მაღალი ხარისხის ქართული ღვინის წარმოება.

მადლობას ვუხდით GOLDEN BRAND-ის ჯგუფის თითოეულ წევრს ამ უზარმაზარი შრომისთვის და აღიარებისთვის.

ასევე მადლობა ყველა იმ ადამიანს, ვინც კვლევაში მიიღო მონაწილეობა და მრავალი წელია გვენდობა.

ავტორი: Mildiani

Jul 6, 2023