საფერავი

ფერი: მუქი, ინტენსიური ალუბლისფერი

არომატი:

მკვეთრად გამოხატული საფერავის ჯიშური არომატის ფონზე თანდათან ვითარდება მწიფე წითელი ხილისა და კენკრის მრავალფეროვანი სურნელები. მწიფე შინდის, ალუბლის, შავი ქლიავის, მოცვის არომატებს კიდევ უფრო საინტერესოს ხდის მუხის მსუბუქი და რბილი ტონები.

გემო:

მეტად სხეულიანი, ძალიან ხავერდოვანი და მრგვალი ღვინოა. საფერავის ძლიერი ტანინები, მჟავიანობა და ალკოჰოლი ჰარმონიულადაა დაბალანსებული. არომატში წარმოჩენილი სურნელები, კიდევ უფრო მძაფრად შეიგრძნობა გამყოლ, ხანგრძლივ დაბოლოებაში.

რეკომენდაცია:

დაგემოვნებისთვის იდეალური ტემპერატურაა 15-18°C. კარგად ეხამება ქართული სამზარეულოს მსუყე ყველიან და ხორციან კერძებს. ასევე, დავარგებულ, შებოლილ ყველსა და ხორცს.